ძვირფასო სტუდენტებო,

  ჩვენმა ცენტრმა შექმნა პრაქტიკული ფსიქოთერაპიის კურსი მათთვის, ვისაც სურს თავისი მომავალი დაუკავშიროს ჩვენს პროფესიას. ეს კურსი შედგება ტრენინგებისა და მასტერკლასებისაგან, რომლებიც მოიცავს არადირექტიული ფსიქოთერაპიის სხვადასხვა სკოლას. ტრენინგის დროს მოწოდებული თეორიული და პრაქტიკული მასალა საშუალებას მოგცემთ წარმატებით გამოიყენოთ მიღებული ცოდნა საკუთარ თავსა და სხვებთან მუშაობის დროს, რადგან ტრენინგების ძირითადი დრო ეთმობა პრაქტიკული უნარ-ჩვევების შეძენას შესაბამისი ტექნიკების დემონსტრაციის, მაგალითების გარჩევისა და ერთმანეთზე მუშაობის საფუძველზე.

  ჩვენც ვიყავით სტუდენტები და ვიცით რაოდენ მნიშვნელოვანია თეორიულ ცოდნასთან ერთად პრაქტიკული გამოცდილება.  საქართველოში დღესდღეობით პრაქტიკული პროგრამების დეფიციტი აღინიშნება, ხოლო არსებული პროგრამები ბევრისთვის ხელმისაწვდომი არ არის, ამდენად, ჩვენ მზად ვართ, ჩვენი ცოდნა და გამოცდილება, რომელსაც კლიენტებთან ყოველდღიური მუშაობის დროს ვიყენებთ, გაგიზიაროთ დაინტერესებულ პირებს და რაც მთავარია, შეღავათიან ფასად.

  ჩვენს მომავალ კოლეგებს გთავაზობთ 50%-იან ფასდაკლებას ჩვენს ტრენინგებზე.