ჩვენი ცენტრი ატარებს ახალ ტრენინგს "ქვიშით თერაპია"! ეს არის უნიკალური მეთოდი არტ-თერაპიაში, რომელსაც იყენებენ ფსიქოდიაგნოსტიკაში, კონსულტირებაში და თერაპიაში. ეს მეთოდი გამოიყენება ინდივიდუალურად და ჯგუფურად. საინტერესო შედეგები მიიღება ოჯახის კონსულტირებაში, როდესაც ოჯახის წევრები გვერდიდან აკვირდებიან იმას, თუ რა სტრატეგიებს იყენებენ ისინი ურთიერთობაში და იქვე ქმნიან, ახალ წარმატებულ სტრატეგიებს. ეს მეთოდი გამოიყენება ბაღებში, სკოლებში, ფსიქოთერაპიულ კაბინეტში... გაიხსენეთ, რა სიამოვნებით თამაშობენ ბავშვები ქვიშით ეზოში ან ზღვის სანაპიროზე... ქვიშა ბუნებრივი მასალაა, რომელიც საშუალებას გვაძლევს შევქმნათ ჩვენი შინაგანი სამყაროს 3D პროექცია და ვიმუშაოთ ჩვენს პრობლემებთან ისე, რომ ეს პროცესი სასარგებლოსთან ერთად სასიამოვნო და საინტერესო ხდება. ჩვენი 2 დღიანი ტრენინგი აწყობილია ისე, რომ თქვენ შეისწავლით და საკუთარ თავზე გამოცდით მეთოდის ეფექტურობას, როგორც კლიენტის, ასევე თერაპევტის როლში, მოახერხებთ ამ მეთოდის გამოყენებას თქვენს კლიენტებთან და კიდევ ერთ სასარგებლო და ეფექტურ ინსტრუმენტს შეიძენთ, რომელიც დაგეხმარებათ პროფესიულ ზრდაში და განვითარებაში.